Përmbytet lagjja "Mirditë" në Malishevë, banorët ankohen se s'kanë as rrymë (VIDEO)

Të reshurat e pandërprera kanë shkaktuar dëme të mëdha në lagjen "Mirditë" në Malishevë. Shiu i vazhdueshëm ka përmbytur rrugët, duke krijuar kushte të rrezikshme për banorët. Një banorë i kësaj lagje për Klankosova.tv ka thënë se nuk kanë as rrymë dhe deri më tani nuk ka pasur asnjë intervenim nga komuna. Klankosova.tv ka kontaktuar me KEDS lidhur me situatën me energjinë elektrike, por të njëjtit deri  më tani nuk janë përgjigjur.