Të paktën 69 persona kanë vdekur dhe shumë të tjerë rezultojnë të zhdukur pasi një varkë u përmbys në brigjet e Mauritanisë, thanë rojet bregdetare në vendin veriperëndimor afrikan.
Shtatëmbëdhjetë persona janë shpëtuar dhe kërkimet po vazhdojnë për pasagjerë të tjerë që ndodheshin në bordin e kanoes së vogël që po shkonte drejt ishujve Kanarie të Spanjës.
Sipas të mbijetuarve, varka u nis nga Gambia gjashtë ditë para aksidentit të së martës, duke mbajtur rreth 160 persona në bord, kryesisht shtetas të Gambisë dhe Senegalit, raporton BBC, transmeton Klankosova.tv.
Udhëtimi i rrezikshëm mbi Oqeanin Atlantik është bërë një rrugë gjithnjë e më e zakonshme për migrantët afrikanë që përpiqen të arrijnë në Evropë. /Klankosova.tv
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
