Përleshje në Prishtinë, 5 persona shoqërohen në Polici

Pesë persona janë lënduar si pasojë e një përleshjeje që ka ndodhur sonte në Prishtinë, më saktë në rrugën “Lidhja e Prizrenit”. Lajmin për Klankosova.tv e ka konfirmuar zëdhënësja e policisë për rajonin e Prishtinës, Flora Ahmeti. Siç bën të ditur Policia e Kosovës, në stacion policor janë përcjellur 5 persona të dyshuar të cilët ishin të përfshirë në rast. "Sot rreth orës 20:00 është pranuar informata për një rrahje në rrugën "Lidhja e Prizrenit" në Prishtinë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes pesë persona janë lënduar dhe të njëjtit menjëherë kanë pranuar trajtimin e nevojshëm mjekësor. Policia ka shoqëruar në stacion policor 5 persona të dyshuar të cilët ishin të përfshirë në rast. Aktualisht policia po  vazhdon punën për zbardhjen e rrethanave dhe motiveve që karakterizojnë ngjarjen", tha Ahmeti për Klankosova.tv Në lidhje me çështjen e linjave të autobusëve Podujevë-Prishtinë, ka reaguar zëvendësministri i Infrastrukturës, Hysen Durmishi, i cili tha se transportuesit e udhëtarëve me autobusë për linjat ndërurbane të relacionit Prishtinë-Podujevë dhe anasjelltas, veprojnë sipas rendit të udhëtimit të miratuar nga ministria dhe këtë s'mund ta ndryshojë as komuna e Prishtinës dhe asnjë komunë tjetër.