Përleshje në Fushë Kosovë, një person pëson frakturë të rëndë në kokë

Një rast i rëndë është shënuar të shtunën pasdite në rrugën “Nëna Terezë” në Fushë Kosovë. Policia bën të ditur se një burrë ka pësuar frakturë në kokë si pasojë e goditjes me mjet të fortë nga i dyshuari, shtetas i Shqipërisë, transmeton Klankosova.tv. Po ashtu bëhet e ditur se natyra e lëndimeve te viktima është e rëndë. “Raportohet se pas një mosmarrëveshje që kishte pasur viktima m/k me një person mashkull shtetas i Shqipërisë ky i fundit kishte sulmuar fizikisht me mjet të fortë viktimën. I dyshuari është larguar nga vendi i ngjarjes, ndërsa viktimës i është ofruar ndihma mjekësore, sipas raportit mjekësor viktima ka pësuar frakturë në kokë, natyra e lëndimeve është e rëndë. Rasti është nën hetime nga njësitet kompetente”, thuhet në raportin e policisë.