Lajmet e fundit
Një përleshje me thika në mes të ditës ka ndodhur dje në Rio Marin, Venecia, Itali.
Sipas dëshmive fillestare dyshohet se bëhet fjalë për një sulm mes shqiptarëve, të dyshuar tregtarë droge.
Një nga të plagosurit është dërguar në spital.
Tre shqiptarë u përleshën dje përgjatë Rio Marin rreth orës 12:30.
E gjithë ngjarja ndodhi në sytë e një turme kalimtarësh.
Sipas një rikonstruksioni fillestar të bërë nga Karabinierët, dy prej shqiptarëve sulmuan bashkëkombësin e tyre.
Shqiptari i sulmuar tentoi të shpëtonte dhe u hodh në ujë.
Por megjithatë dy shqiptarët e tjerë e kanë ndjekur pas duke e rrahur. Madje dyshohet se e kanë goditur dhe me thikë.
Ai u shtrua në spital dhe ndodhet jashtë rrezikut për jetën. Të tjerët arritën të iknin kur mbërriti policia, shkruajnë mediat italiane.
Në vendngjarje, të alarmuar nga raportimet e të pranishmëve të shumtë, mbërritën karabinierët të cilët po kryejnë hetime për të rindërtuar historinë dhe për të kuptuar nëse është përdorur realisht një armë./Abcnews.al/
