Përgjaket protesta në Nepal, së paku 14 të vrarë në revoltën kundër ndalimit të Facebook e Youtube

Të paktën 14 persona kanë humbur jetën dhe dhjetëra të tjerë janë plagosur në kryeqytetin e Nepalit, Kathmandu. Kjo pasi protestuesit u përplasën me policinë për shkak të një vendimi qeveritar që ndalon 26 rrjete sociale, përfshirë Facebook, X dhe YouTube, transmeton klankosova.tv. Protestuesit thyen rrethimet dhe detyruan policinë të tërhiqej, ndërsa rrethuan godinën e parlamentit. Sipas skynews, policia ka qëlluar ndaj turmës që tentonte të hynte në ndërtesë. Forcat nepale të rendit përdorën gaz lotsjellës dhe ujë me presion, por nuk arritën të kontrollonin situatën dhe kërkuan strehim brenda parlamentit. Turmat brohorisnin: “Ndaloni ndalimin e rrjeteve sociale, ndaloni korrupsionin, jo rrjetet sociale.” Televizioni shtetëror i Nepalit, konfirmoi numrin e viktimave dhe të plagosurve.