Lajmet e fundit
Kryetari i Mitrovicës, njëherësh ish-ministër i Bujqësisë, Faton Peci është intervistuar në cilësinë e të dyshuarit në Prokurorinë Speciale në rastin e granteve.
Kjo është konfirmuar për Klankosova.tv nga zëdhënësja e Prokurorisë Speciale, Arbnora Luta.
“Ju njoftojmë se z. Faton Peci është intervistuar në cilësinë e të pandehurit në rastin e granteve, i cili është në trajtim nga Prokuroria Speciale e Republikës së Kosovës.”, tha ajo, njofton Klankosova.tv.
Klankosova.tv mëson se një ditë më parë rreth të njëjtit rast është intervisutar edhe ish-deputetja nga radhët e Lëvizjes Vetëvendosje, Fitore Pacolli.
Ky rast ishte ngritur nga opozita në nëntorin e 2024-ës, pas dyshime për keqpërdorime të granteve në bujqësi.
