“Përfituan 800 mijë euro”, prangosen dy persona në Tiranë që vodhën kafe nga kompania ku punonin

Dy persona janë arrestuar në Tiranë dhe ndaj një tjetri kanë nisur hetimet, pasi dyshohet se kanë kryer veprën penale të vjedhjes. Ata dysohet se kanë vjedhur 40 000 kg kafe në vendin ku punonin, e më pas këtë sasi e kanë shitur. Me këtë veprim, ata dyshohet se kanë përfituar 800 mijë euro. “Si rezultat i veprimeve operacionale të kryera mbi kallëzimin e administratores së një subjekti në fushën e prodhimit/tregtimit të kafesë, se kishte konstatuar vjedhjen e një sasie të madhe produkti, specialistët për Hetimin e Krimeve Ekonomiko-Financiare finalizuan operacionin e koduar “Inventari”. Si rezultat i operacionit: -u vunë në pranga shtetasit A. K., 35 vjeç dhe V. K., 29 vjeçe, magazinierë në këtë subjekt; -nisi procedimi në gjendje të lirë për shtetasin L. B., 29 vjeç, shpërndarës.”, thuhet në njoftim.