Përdorimet e uthullës së mollës që duhet t’i dini

Përdorim ka në kuzhinë. Por ky nuk është i vetmi vend ku mund të përdorni uthullën e mollës. Ne ju sjellim disa nga truket që mund të bëhen me përdorimin e saj e që ndoshta ju nuk i keni ditur. Për të shpërlarë flokët Përzieni uthullën me ujë, mund ta përdorni si zbutës e që njerëzit që e kanë praktikuar këtë metodë thonë se i bën flokët më me shkëlqim dhe volum. Përdorimi i uthullës për flokët mund të balancojë pH-në. Për të pastruar perdet e dushit Edhe pse pastroni shpesh dhe në mënyrë të detajuar banjon tuaj, ekziston mundësia të gjeni myk në perdet e dushit. Banjo shumicën e kohës ka lagështi gjë që favorizon jetesën e mykut, por me uthull të mollës mund ta mënjanoni këtë problem, fillimisht spërkatni perdet me uthull pastaj lani ato me ujë. Për të ulë kolesterolin Hulumtuesit në vitin 2012 kanë gjetur disa prova se uthulla e mollës mund të ulë nivelet e kolesterolit dhe të triglicerideve tek njerëzit. Megjithatë nuk është e sigurt plotësisht kjo, kështu që përdoreni me kujdes uthullën. Për të pastruar aknet Shumë nga njerëzit e dinë që uthulla është e ashpër për lëkurën e në veçanti për fytyrën, por dermatologët thonë se nëse përzihet me ujë ajo mund të funksionojë si tonik duke i tharë aknet. Lehtëson pickimet nga insektet Nëse jeni pre e mushkonjave, bëni banjë dhe hidhni në ujë dy filxhanë me uthull molle dhe dhimbja e pickimeve do të ju lehtësohet.