Për tetë muaj, mbi 2 milionë persona udhëtuan nga dhe për në Aeroportin "Adem Jashari"

Mbi 2 milionë persona udhëtuan nga dhe për në Aeroportin "Adem Jashari". Kështu thonë statistikat e paraqitura nga Autoriteti i Aviacionit Civil. Të dhënat vlejnë për tetë muajt e parë të vitit 2023. "Gjatë muajit gusht në ANP “Adem Jashari” janë shërbyer 411,162 udhëtarë apo 11% më shumë se në muajin e njejtë të vitit të kaluar. Sa i përket numrit të fluturimeve, gjatë muajit gusht pati rritje prej 6.4% apo 1,389 nisje të fluturimeve. Që nga muaji janar e deri në muajin gusht janë shërbyer 2,334,648 udhëtarë apo 13% më shumë se në periudhën e njejtë të vitit të kaluar", thuhet në njoftim.