Lajmet e fundit
Duart tona janë të mbuluara me mikrobe, të cilat mund të përhapen në pjesë të ndryshme të trupit.
Dhe në disa raste rrezikojmë që viruset dhe bakteret t’ia transmetojmë edhe njerëzve të tjerë.
Për të qëndruar sa më larg mikrobeve ja cilat janë pjesët e trupit qe nuk duhet të prekni kurrë me dorë shkruan Corriere.
1. Mbani larg duart nga fytyra.
Sipas Mattheë Lee duart përmbajnë përmbajnë vajra që mund të bllokojnë poret dhe mund të krijohen puçrra. Kështu nëse dëshironi një fytyrë të pastër dhe pa puçrra mbajini larg duart.
2. Mbani larg duart nga sytë. Sytë janë tepër të ndjeshëm dhe duke i prekur me duar rrezikoni t’i mbushni me mikrobe. Gjithashtu me anë të duarve aksidentalisht fusni mikro -grimca të cilat shkaktojnë irritim dhe gërvishtje të kornesë. Nëse doni t’i prekni sytë duhet të lani mirë duart para se ta bëni.
3. Mbani larg duar nga veshët.
Pjesa e brendshme e veshëve është shumë delikate dhe për këtë arsye evitoni të fusni duart. Jo vetëm që një gjest i tillë nuk është fare estetik por në këtë mënyrë dëmton edhe kanalin e veshit, i cili është tepër i hollë.
Siç dihet edhe kunjat e pambukut nuk janë të këshillueshme nga doktorët për t’i pastruar.
4. Mbani duart larg hundës.
Pjesa e brendshme e hundës përmban baktere të shëndetshme që mbrojnë nga patogjenët, por nëse i vendosim gishtat në hundë është e lehtë të fusim edhe baktere të këqija që mund të shkaktojnë infeksione.
5. Mbani duart larg gojës.
Goja e një njeriu përmban mesatarisht personi 34 deri 72 lloje bakteresh. Shumica e tyre nuk janë të dëmshme, madje disa janë të dobishme për shëndetin oral, por shtimi i mikrobeve shtesë nga duart mund të prishë balancën e gojës dhe të rrisë shanset për t’u sëmurur.
