Për një ditë u arrestuan pesë persona për armëmbajtje pa leje

Në 24 orët e fundit në Kosovës, policia ka arrestuar pesë persona. Por këta pesë persona u arrestuan vetëm për një vepër penale, ajo e armëmbajtjes pa leje, transmeton Klankosova.tv. Më poshtë gjeni detajet nga arrestimet e të dyshuarve: “Rr.Justina Shkupi, Prishtinë: Është arrestuar i dyshuari mashkull kosovar, pasi që gjatë kontrollit tek i njëjti është gjetur dhe konfiskuar një armë zjarri -pistoletë  me një karikator dhe pesë (5) fishekë. Pas intervistimit, me vendim të prokurorit, i dyshuari lirohet në procedurë të rregullt”. “Fsh.Bushinc ,Novobërdë: Gjatë kontrollit tek i dyshuari mashkull kosovar është gjetur dhe konfiskuar një armë zjarri-pistoletë  me një karikator dhe tetë fishekë. Pas intervistimit, me vendim të prokurorit i dyshuari është liruar, rasti vazhdon në procedurë të rregullt”. “Rr. Flaka e Janarit, Viti: Është arrestuar i dyshuari mashkull kosovar, pasi qe gjate kontrollit ne shtëpinë e tij janë gjetur dhe konfiskuar 13 revole, një arme karabine dhe 42 fishekë të kalibrave të ndryshëm. Me vendim te prokurorit, i dyshuari është dërguar në mbajtje”. “Fsh. Livoq, Gjilan: Është arrestuar i dyshuari mashkull  kosovar pasi gjatë kontrollit në veturën të cilën ishte duke e drejtuar, është gjetur dhe konfiskuar një revole me 6 copë fishekë. Me vendim të prokurorit i dyshuari është dërguar në mbajte”. “Fsh.Petkoviq, Rahovec: Lidhur me rastin, me 13.09.2024 është arrestuar i dyshuari mashkull kosovar dhe nga i njëjti është konfiskuar një armë e zjarrit –pistoletë  me një karikator me pesë fishekë dhe katër gëzhoja. Me vendim të prokurorit, pas intervistimit, i dyshuari është liruar, rasti vazhdon në procedurë të rregullt”, thuhet në raportin e policisë.