Për humanizëm dhe solidaritet, piktorit Omel Kaleshi i ndahet çmimi ‘’Nënë Tereza’’

Piktorit Omer Kaleshi sot do t’i ndahet çmimi shtetëror maqedon ''Nëna Tereza'' për vitin 2018. Kuvendi i Republikës së Maqedonisë këtë çmim e ndan për arritjet e shquara në interes të shtetit, solidaritetit njerëzor dhe nxitjen e mirëkuptimit të ndërsjellët dhe zhvillimin e bashkëpunimit, midis popujve, ashtu edhe midis pjesëtarëve të komuniteteve, kulturave dhe feve të ndryshme, njofton Klan Kosova. Ky çmim ndahet që nga viti 2006 më 26 gusht- në ditëlindjen e Shën Nënës Terezës. Nga data 26 gusht e deri më 5 shtator do të mbahet manifestimit tradicional ''Ditët e Shën Nënë Terezës'' në organizimin e shoqatës qytetare ''Shkupjanja Nëna Terezë''.