Për herë të 7-të, dështon konstituimi i Komisionit për rezervat – opozita: Kurti do të ftohej në intervistim

Ka dështuar për herën e shtatë konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore. Kjo për shkak të bojkotimit të deputetëve të pozitës për të marr pjesë në konstituimi e këtij Komision. Ky bojkotim i mazhornacës është duke ndodhur pasi sipas tyre opozita nuk është duke votuar marrëveshjet ndërkombëtare. Duke parë që konstituimi i këtij Komisioni nuk është duke u bërë për shkak të këtij bojkoti, deputet e opozitës kërkuan që në mbledhjen e radhës të mbahet seanca dëgjimore, si dhe të krijohet një komision i ri hetimor parlamentar në lidhje me kontrata një burimore, shkruan EkonomiaOnline përcjell Klankosova.tv Kryesuesi i këtij Komisioni Rashit Qalaj, tha se konstituimi i këtij Komisioni është duke dështuar qëllimshëm nga deputete e VV-së që të mos bëhen publike dyshimet për keqpërdorime. Sipas tij, në planë ka qenë që të ftohet kryeministri Albin Kurti, që të pyete në lidhje me ndarjen e buxhetit prej 10 milionë euro. “Sot është tentativa e shtatë për konstituimin e komisionit dhe po e shihni që edhe pas shtatë tentativave deputet e VV-së janë duke bojkotuar punë e këtij komisioni me qëllimi. Me qëllimi që ato dyshime të mos dalin në publikë. Çështja e rezervave shtetërore që nga fillimi ka qenë e dyshimet. Ne deputet e partive opozitare jemi konsultuar dhe kemi bërë një listë që kemi pasur në plan t’i ftojmë dhe t’i intervistojmë, që nga kryeministri i vendit dhe shumë të tjerë”, tha Qalaj. “Ne kryeministrin kemi pasur që ta marrim në pyetje sepse i ka ndarë ato 10 milion euro. Pastaj në rend dite kanë qenë që të ftohen edhe zv.kryeministri Besnik Bislimi që kanë udhëtuar më Turqi se bashku me ministren Hajdari për të arritur marrëveshjen për grurë. Ne planë kemi pasur që ta ftojmë edhe Ridvan Muharremini, i cili edhe është arrestuar për keqpërdorim për këtë rast. Kemi pasur që këtu ta sqarojmë se kush është ky person. Kemi pasur plan që të thërrasim edhe kompaninë turke, pastaj Kushtrim Dakajn nga ministria e Rozeta Hajdarit. Drejtorin e AKI-së i cili është përgjegjës që është dashur që ta lëshoj edhe certifikatën e sigurisë”, tha ai. Në anën tjetër, deputetja e Lidhjes Demokratike të Kosovës, Doarsa Kica-Xhelil, tha se duhet që prokuroria ti hetoj deputet e VV-së të cilët nuk janë duke marr pjesë në këtë komision. Ajo tha se bojkoti i tyre është duke ndodhur pasi sipas saj, deputet e VV-së mund të jenë të përfshirë në këtë aferë korruptive. “Unë përtej gjithë akterëve që kanë qenë të implikuar, pres që prokurori t’i marr në pyetej edhe anëtartë e këtij Komisioni që nuk janë duke ardhur. Unë nuk e di se ku e kanë hallin që nuk po vijnë, a e dinë diçka më shumë se në, a e dinë që janë bashkëkryerës në këtë vepër. Unë kam filluar që të besoj që kjo është duke ndodhur vetëm për arsye politike. Unë mendoj që të kërkojmë Komision të ri hetimor për kontrata një burimore”, tha ajo. Ndërkaq, Pal Lekaj, nga AAK tha se në Kosovë nuk ka pasur Qeveri më të korruptuar dhe të dështuar se sa Qeveri e udhëhequr nga Kurti. “Është hera e shtatë që nga mazhoranca injorohet ky komision hetimor ata duan që t’i ikin një të vërtetës, një hajnie. Është me të vërtetë keq që të bëhet kaq shumë hanji nga ata që kauza e tyre ka qenë që të luftohet korrupsioni, mendoj që nuk kemi pasur qeveri më të dështuar dhe korruptive. Ne duhet të mos dorëzohemi, mendoj që ne të kemi një seancë dëgjimore dhe t’i drejtohemi kryetarit të Parlamenti që të shqyrtoj edhe një herë anëtaret e këtij komisioni”, tha ai. Deputeti i PDK-së Ferat Shala, tha se për shkak të këtyre aferave korruptive edhe buxheti i ndarë nga Qeveria e Kosovës është më i vogël duke i mbuluar sipas tij, këto afera.