Pensionisti gjen thesarin e shekullit të 14-të në garazhin e tij (FOTO)

Një pensionist e ka gjetur një unazë ari të shekullit 14-të në garazhin e tij, gati 40 vjet pasi e zbuloi për herë të parë atë. Tom Clark, 81 vjeçar, e gjeti unazën në garazhin e shtëpisë së tij në Buckinghamshire të Britanisë së Madhe midis artikujve që i kishin ardhur nga shtëpia e nënës së tij tij të ndjerë. Zbuluesi i metaleve e kishte gjetur për herë të parë atë në tokat bujqësore midis 1979 dhe 1982, por nuk e kishte kuptuar vlerën reale të saj. Tani ai mund të marrë deri në 10,000 paund në ankand. Unaza ka një gdhendje të perëndisë Mars që bart një shtizë dhe trofe. Ajo përmban mbishkrim latin (NVNCIE.VERA.TEGO) që përkthehet si ‘ Unë fsheh mesazhin e vërtetë’. Unaza të tilla do të mund përdoreshin për të lënë një shenjë në dyll për të treguar se një dokument ishte i ligjshëm dhe i pahapur. "Unë e kisha harruar plotësisht. E gjeta atë ... në tokat bujqësore pikërisht jashtë Aylesbury. Tani ka një pronë të madhe strehimi në tokë. "Në atë kohë unë kisha vetëm 10 vjet që merresha me zbulimin e metaleve metale dhe nuk e kuptoja se unaza ishte ndonjë gjë e veçantë. Ishte e shtrembëruar dhe copëtuar kur e hapa", tha Clark, raporton BBC, transmeton Klan Kosova. Clark, një zejtar në pension i lëkurës, tha që ai e kishte marrë unazën dhe e kishte dërguar në një muze për ta regjistruar, por atje i thanë se ishte "mjaft moderne", kështu që ai e kishte futur në një kallaj në shtëpinë e nënës së tij dhe e kishte harruar, transmeton Klan Kosova.