Pensionisti britanik u gjet pas tre ditësh i humbur në një xhungël në Tajlandë (VIDEO)

Një pensionist britanik i cili mbijetoi tre ditë në një xhungël në Tajlandë tha se kurrë nuk ka qenë kaq i lumtur, pasi u shpëtua dhe u ribashkua me gruan e tij. Leonard Barry Weller, 72 vjeç, nga Hastings, po udhëtonte me motor për të vizituar miqtë në provincën Khon Kaen, në verilindje të vendit, kur humbi rrugën në pyje të dendura. Mes temperaturave të larta 35 gradë Celsius, ai u ngjit në një pemë për të provuar dhe gjetur një rrugë për të dalë jashtë xhunglës, por papritmas nisi një stuhi shiu muson dhe nuk kishte zgjidhje tjetër veçse të flinte natën në xhunglën që njihet si shtëpia e gjarpërinjve vdekjeprurës dhe arinjve, përcjellë Klankosova.tv. Pensionisti duroi tre ditë pa ushqim dhe mbijetoi duke përdorur një copë bar si kashtë për të pirë ujë shiu nga pellgjet. Gruaja e tij, Tawee Leonard, 49 vjeçare, thirri policinë pasi nuk arriti të kontaktojë me burrin e saj dhe një grup kërkimi u dërgua të enjten dhe të premten. E Wellner u gjet nga një gjuetar lokal të premten pasdite. 'Unë jam mrekullisht i lumtur, kurrë nuk kam qenë aq i lumtur në jetën time. Këmbët e mia janë të lënduara, përndryshe jam i lumtur. Kam të nxehtë, por jam mirë. Unë thjesht admiroj punën që po bëjnë këta njerëz, kjo më bën të qaj. Ata po bëjnë një punë të mirë. ' tha Wellner. Ai tregoi se parkoi motorin për të ecur në një kodër, por më pas harroi rrugën për tu kthyer kështu që vazhdoi të ecë përpara. Tutje tha se nuk ishte në gjendje të gjente ndonjë fshatar lokal për të kërkuar ndihmë. Leonard më pas u dërgua në spital për kontroll, raporton Dailymail, transmeton Klankosova.tv.