Pejë: Vdes një person, dyshohet se u godit qëllimshëm nga një veturë

Një person ka vdekur në Spitalin Rajonal të Pejës, si pasojë e plagëve të marra nga goditja e një veture. Rasti ka ndodhur në qytetin e Pejës derisa viktima dyshohet se është goditur qëllimshëm derisa po ecte në trotuar. Rasti është konfirmuar për Klankosova.tv nga zëdhënësi i Prokurorisë Themelore Shkodran Nikçi. “Policia dhe Prokurori i Krimeve të Rënda është vendin e ngjarjes”, tha Nikçi. I dyshuari është në arrati për momentin. Policia është në ndjekje të tij dhe po bën përpjekje për ta arrestuar.