Pejani e gjen kuletën me të holla e dokumente, e dorëzon në polici

Qytetari F.S. e ka dorëzuar një kuletë në stacionin e Policisë së Kosovës në Pejë. Në njoftimin e lëshuar thuhet se qytetari kuletën e kishte gjetur në rrugën “Vllazёria Tabaku” në Pejë. Në kuletë kishte të holla dhe dokumente personale: 335 euro e 25 cent, 20 dollarë amerikanë, kartela bankare dhe dokumente personale. "Të gjitha gjërat e lartë cekura i janë kthyer qytetares (viktimës). Policia e Kosovës, falënderon qytetarin për veprimin e bërë dhe nivelin e lartë të përgjegjësisë qytetare", thuhet në njoftimin e PK-së. /Klankosova.tv