Pasaportat e vaksinës do i bëjnë njerëzit më hezitues për t’u injektuar ndaj COVID-19, thotë studimi

Imponimi i pasaportave të vaksinave ka të ngjarë t’i bëjë njerëzit hezitues edhe më ngurrues për të marrë injektimin nga Covid, ka gjetur një hulumtim në Londër, që përfshiu më shumë se 16 mijë njerëz, pasi Downing Street u zotua të vazhdojë me këtë plan brenda një muaji. Kryeministri britanik, Boris Johnson njoftoi në korrik se qeveria do ta bënte të detyrueshme pasaportën e vaksinës, për klube nate dhe vende të tjera të mbushura me njerëz, për të siguruar që klientët të jenë vaksinuar plotësisht para se t'i lejojnë ata të hyjnë, njofton Klankosova.tv. Ende nuk janë publikuar detaje, duke nxitur spekulimet se plani do të hidhej përballë një reagimi të ashpër nga mbështetësit konservatorë dhe grupet e biznesit. Por zëdhënësi zyrtar i kryeministrit britanik, tha të martën se nuk kishte asnjë ndryshim në politikë. "Ne kemi përcaktuar gjerësisht qëllimin tonë për të kërkuar vaksinim për klubet e natës dhe disa mjedise të tjera. Ne do të dalim në javët e ardhshme me detaje për këtë", tha ai.