Pas vitesh në listën e të zhdukurve, rivarroset dëshmori Hajdar Pepaj

Këtë të diel është rivarrosur dëshmori, Hajdar Pepaj, i cili ishte në Listën e Personave të Zhdukur.

Ceremonia e rivarrimit u mbajt në varrezat e fshatit Kodrali nga ora 16:00. Paraprakisht, nga ora 15:00, u bënë homazhe te 'Lapidari i Ri'  në fshatin Kodrali të Deçanit, transmeton Klankosova.tv. Ceremonia e rivarrimit u organizua nga Shoqatat e dala nga lufta - Dega në Deçan dhe Komuna e Deçanit, me përkrahjen e Komisionit Qeveritar për Persona të Zhdukur. Në rivarrimin e dëshmorit Pepaj mori pjesë edhe ish-kryetari i Aleancës, Ramush Haradinaj.