Lajmet e fundit
Pas pretendimeve të PDK-së në Gjilan, se punëtorët shëndetësorë në QKMF janë pa paga për pothuajse gjashtë muaj, Komuna e Gjilanit ka reaguar ndaj këtyre deklarimeve.
''Pagesa për punëtorët është vazhdimësi dhe bëhet në periudha kohore të caktuar nga palët nënshkruese të marrëveshjes në bazë të participimit nga ana e tyre''.
''Komuna e Gjilanit nuk do t’u mbetet borxh as edhe një cent këtyre punëtorëve'', thuhet në sqarimin e drejtorit të Qendrës Kryesore së Mjekësisë Familjare në Gjilan, Fejzullah Berisha, njofton Klan Kosova.
Sipas zyrtarëve komunalë është viti i tretë me radhë që këta punëtorë ofrojnë shërbime shëndetësore për qytetarët e komunës së Gjilanit, për të gjithë ata pacientë të cilët janë të palëvizshëm, raste të rënda dhe të atyre të cilet janë pa përkujdesje shtëpiake, ku ekipet e tona shkojnë në shtëpi dhe i kryejnë të gjitha shërbimet shëndetësore të nevojshme.
