Pas përfundimit të fjalëve përmbyllëse, nisin pyetjet e Gjykatës – Mujku sjell detajet direkt nga Haga

Gjatë ditës së sotme, ka përfunduar fjalën përmbyllëse mbrojtja e Jakup Krasniqit, ish-zëdhënësit të Ushtrisë Çlirimtare të Kosovës. Pas kësaj, kanë nisur pyetjet e trupit gjykues ndaj palëve në këtë Gjykatë, Prokurorisë së Specializuar në njërën anë, dhe palës mbrojtëse në anën tjetër, transmeton klankosova.tv. Gazetarja e Klan Kosovës, Rina Mujku e cila po përcjell nga afër gjyqin e madh ndaj katërshes së UÇK-së, tha se shumica e pyetjeve të trupit gjykues u janë parashtruar palës mbrojtëse, ani pse u la të kuptohej se këto pyetje më shumë do të ishin të parashtruar për ZPS-në. Në emisionin “Kosova Today”, Mujku tha se deri më tani janë parashtruar rreth 30 pyetje nga trupi gjykues. https://www.youtube.com/watch?v=gqIPBODNks8