Pas një kohe të gjatë, sërish rriten rastet pozitive me COVID-19 në Kosovë

Ministria e Shëndetësisë ka bërë të ditur se në 24 orëshin e fundit janë regjistruar 149 raste të reja me COVID-19 në Kosovë. Sipas ministrisë, gjatë 24 orëve të fundit janë shëruar 43 pacientë, transmeton Klankosova.tv. Kujtojmë se në dy ditët e fundit numri i rasteve pozitive brenda 24 orëve është treshifror, ku më 29 qershor u regjistruan 177 raste, që ka bërë që numri i rasteve aktive të jetë 592. Deri më tani në Kosovë janë vaksinuar 1 milion e 830 mijë e 590 njerëz me vaksinën anti-COVID.