Pas një aksidenti për Çmimin e Madh të Manx 2024, vdes garuesi 43-vjeçar

Një garues i motoçikletave ka vdekur pas lëndimeve që mori gjatë një seance kualifikuese për Çmimin e Madh të Manx 2024, konfirmuan organizatorët të dielën. ‘Kalorësi’ irlandez, Louis O'Regan u lëndua gjatë një aksidenti në qarkun prej 60 kikometrave të Manx Grand Prix, një grup garash me motorë që mbahen çdo vit në Isle of Man, të cilat konsiderohen të jenë një version amator i garave të famshme të Isle of Man TT. "Me pikëllim të madh, organizatorët e Çmimit të Madh të Manx mund të konfirmojnë se Louis O'Regan, 43 vjeç, ka vdekur pas lëndimeve të marra në një aksident në Kate's Cottage gjatë seancës hapëse kualifikuese të ngjarjes 2024," tha Grand Prix Manx në një deklaratë.