Lajmet e fundit
Pas lajmeve të publikuara në mediat franceze për pjesëmarrjen e këngëtares Aya Nakamura në ceremoninë e hapjes së Lojërave Olimpike në Paris, ka pasur sulme të shumta raciste kundrejt saj.
Në mbrojtje të saj ka dalë presidenti francez, Emmanuel Macron, i cili tha se do të ishte një "gjë e mirë" nëse ajo performonte në një ceremoni hapjeje ose mbylljeje.
"Ajo flet me një numër të madh të bashkëqytetarëve tanë dhe mendoj se ajo është absolutisht në vendin e saj që i takon në një ceremoni hapjeje ose mbylljeje" – tha Macron.
Pjesëmarrja e Nakamura-s ende nuk është konfirmuar nga këngëtarja, as nga organizatorët e Lojërave Olimpike.
Aya Nakamura, një nga artistet më në zë në Francë, publikoi albumin e saj të katërt “DNK” vitin e kaluar.
