Është bërë restaurimi i një skulpture të Michelangelos, të cilën ai e punoi në pleqërinë e tij.
Skulptura u punua nga mermeri dhe përshkruan Jezusin të mbështetur tek Virgjëresha Mari, Shën Maria Magdalena dhe fariseu Nikodemus, fytyra e të cilit është një autoportret i gdhendur i artistit të plakur.
Michelangelo punoi në projekt midis vitit 1547 dhe 1555, derisa ishte në të 70 –at dhe ishte një projekt i vështirë që në fillim.
Miku dhe biografi i tij Giorgio Vasari shkroi se blloku i mermerit ishte me të meta dhe plot papastërti.
Kjo e frustroi Michelangelon dhe përfundimisht e braktisi punën, madje Vasari tregoi se Michelangelo u përpoq ta shkatërronte atë skulpturë, shkruan Indianexpress, transmeton Klankosova.tv.
Por, skulptura mbijetoi dhe javën e kaluar kjo vepër u shfaq publikisht pas restaurimit të saj të parë i cili u bë pas 470 vjetësh.
Imzot Timothy Verdon, drejtori i Muzeut Opera del Duomo, që ka qenë shtëpia e statujës për 40 vitet e fundit se kjo vepër shpreh më së miri marrëdhënien e autorit me skulpturën.
"Kjo është vepra më personale e Michelangelo, jo vetëm sepse përfshin autoportretin e tij dhe ishte e destinuar për varrin e tij, por sepse shpreh marrëdhënien që kishte ai me punën me mermer”, u shpreh ai.
Ndryshe, rreth vitit 1560 vepra iu shit bankierit Francesco Bandini dhe u bë e njohursi “Bandini Pietà”.
●●●
GSHKRIMI NGA
G.U
Editorial nga Klan Kosova — ndjek kulturë dhe zhvillimet e tjera kryesore të vendit.
