Parlamenti Evropian merr vendim për përdorim të kabllos universale nga viti 2024

Deputetët e Parlamentit Europian kanë votuar për ligjin që kushtëzon të gjitha mjetet e reja portative ta përdorin të njëjtin mbushës. Telefonat e mençur dhe tabletat, përfshirë edhe produktet e ‘Apple’ duhet të përdorin mbushës USB-C nga viti 2024, kurse prodhuesi e laptopëve kanë kohë deri në vitin 2026 për këto ndryshime. Për këtë ligj votuan 602 pro, 13 kundër dhe 8 abstenuan. Shtetet anëtare të BE-së pritet ta miratojnë ligjin më 24 tetor, para se ky rregull të kalojë në ligj si parlament, raporton BBC, transmeton Klankosova.tv. Mirëpo, ‘Apple’ ka qenë gjithmonë kundër këtij propozimi.