Panairi i Leipzigut, Kosova merr vëmendje në festën e librit (VIDEO)

Nga 19 marsi ka nisur Panairi i Libri në Leipzigut të Gjermanisë, ku në mesin e shumë shteteve, në këtë ngjarje prestigjioze të librit është e pranishme edhe Kosova. Me 100 tituj e 6 autorë po prezantohet Kosova në këtë ngjarje. Drejtoresha e Bibliotekës Kombëtare të Kosovës, Blerina Gaxha Rogova ka folur në Info Magazine të Klan Kosovës rreth pjesëmarrjes së vendit tonë në panair. “Biblioteka Kombëtare e Kosovës në këtë panair, sivjet është prezantuar me një program shumë të pasur, që ka marrë lëvdata të shumta për prezantimin në këtë panair duke sjellë kësaj radhe 6 autorë nga 2 sa ishin vitin e kaluar. Gjitsej dy ngjarje, dy panele diskutimi të organizuara nga Biblioteka Kombëtare dhe dy të tjera në të cilat, Biblioteka Kombëtare, respektivisht unë, jam ftuar në programin e Traduki", shtoi ajo, njofton Klankosova.tv. https://www.youtube.com/watch?v=ziIi2Ami3p0