Panairi i dytë, gati ofertat për punësimin e ferizajasve (VIDEO)

Pjesa më e frekuentuar e qytetit do të jetë qendër e punëkërkuesve. Në Ferizaj do të mblidhen të mërkurën 50 biznese të ndryshme për t'u njoftuar me gjithë të interesuarit për një vend pune. Me shërbimet që ofrohen, përpos qytetarëve, do të njoftohen edhe studentët e Universitetit të Shkencave të Aplukuara në këtë qytet dhe nxënës të shkollave të mesme profesionale, që do të ftohen, njofton Klan Kosova. “Kompanitë zakonisht i shpallin vendet e punës në rrjete sociale, por nuk kanë dikë që ju ndihmon në këtë drejtim, për këtë arsye ne kemi organizuar panairin e punës. Kështu të rinjtë që kanë dalë edhe për kafe do të kenë mundësi që të vijnë e njoftohen me çka ofrojnë bizneset”, deklaroi Drejtor për Zhvillim Ekonomik, Balton Derguti. Më të interesuarit për këtë aktivitet po dalin të jenë përpunuesit e drurit, sektor ky që e karakterizon këtë komunë. Organizimin po e mirëpresin ferizajasit, por ka edhe të atillë që besojnë se këso organizime duhej të kishte më herët. Kjo ngjarje që zhvillohet për të dytin vit radhazi, kësaj here me më shumë biznese, hapësirë të re e kohë tjetër, ndryshe nga i kaluari që ngjau në një palestër të një shkolle në qershor. https://www.youtube.com/watch?v=DvMXFeuwR-U