PAMJE| Vrasja e hoxhës në Dragash ndodhi para derës së shtëpisë

Vrasja e imamit, Gazmen Tairovci ka tronditur fshatin Zlipotok të Dragashit.

Hoxha dyshohet se është therur për vdekje nga i dyshuari Beshir Hamza, i cili tashmë ka rënë në prangat e Policisë së Kosovës, bashkë me babanë e tij. Gazetarja e Klan Kosovës, Altiana Zogaj e cila ndodhet në vendin e ngjarjes për të grumbulluar informacione, ka bërë të ditur se gjithçka dyshohet të ketë nisur për kositjen e barit të një prone. Ajo po ashtu ka dërguar pamje nga vendi ku u vra imami, e që sipas saj, krimi ndodhi para derës së shtëpisë. [caption id="attachment_2879149" align="alignnone" width="585"] Foto: Klan Kosova[/caption] Për rastin janë deklaruar edhe nga Këshilli i Bashkësisë Islame, të cilët kanë theksuar se, sipas informacioneve që posedojnë, ngjarja nuk lidhet me veprimtarinë apo detyrën e viktimës si imam. https://klankosova.tv/u-godit-5-here-me-thike-ne-shpine-konflikti-per-prone-dyshohet-se-coi-ne-vrasjen-e-imamit-ne-dragash-video/