Pamje tronditëse në Durrës: 76-vjeçari e godet me sende të forta gruan në kokë (VIDEO)

Një ngjarje e rëndë e dhunës në familje ka tronditur qytetin e Durrësit në Shqipëri, ku një i moshuar ka sulmuar fizikisht bashkëshorten e tij. Policia shqiptare ka njoftuar se pas një telefonate për ndihmë, efektivët shkuan menjëherë në vendngjarje, duke parandaluar përshkallëzimin e situatës dhe pasoja më të rënda për jetën e viktimës, transmeton Klankosova.tv. “Nga veprimet e para hetimore rezultoi se 76-vjeçari, gjatë një konflikti për motive të dobëta, në banesë, ka ushtruar dhunë fizike ndaj bashkëshortes së tij, shtetases F. D., 70 vjeçe, duke e goditur me send të fortë (shkop druri) në kokë. Ndërhyrja e menjëhershme e Policisë parandaloi përshkallëzimin e dhunës me pasoja të rënda për jetën”. “Si pasojë e goditjeve, 70-vjeçarja ka pësuar dëmtime të rënda fizike dhe u transportua menjëherë në Spitalin e Traumës Tiranë, për ndihmë mjekësore”, njofton Policia e Shtetit, transmeton Klankosova.tv.