Pamela Anderson vesh bikinet ikonike të "Baywatch" në takimet e dashurisë

Bikinet ikonike me ngjyrë të kuqe nga “Baywatch” akoma e kanë një vend shumë të veçantë në dollapin e Pamela Anderson. Por, jo vetëm aty. Aktorja 52 vjeçare, e cila e ka luajtur rolin e rojes së plazhit C.J Parker në serialin hit nga 1989 deri në vitin 2001, e ka zbuluar se ajo vesh bikinet njëpjesëshe në takimet e saj të dashurisë që përfundojnë në shtëpinë e saj. “Unë futem në dush me bikine dhe më pas, ashtu e bërë qull, u dal përpara kudo që janë nëpër shtëpi”, ka thënë ajo për New York Times. Anderson ka zbuluar se shumë shpesh ndodh që njerëzit i kërkojnë autografe në bikine që ngjasojnë me ato të “Baywatch”. “Disa njerëz më sjellin bikine që unë t’ua firmos dhe ato janë shumë të mëdha. Unë u them ‘Shikoni, bikinet e mia ishin shumë të vogla. Ato thjesht duhet t’i tërhiqje shumë që të zgjeroheshin dhe të merrnin formën e trupit tim’”, ka thënë ajo. Ndryshe nga Pamela Anderson që mban bikinet në dollapin e rrobave të brendshme, kolegia e saj nga seriali Carmen Electra i ruan ato shumë më ndryshe. “Unë i kam futur bikinet e mia në kornizë. Kur njerëzit vijnë në shtëpinë time, ata vërtetë entuziazmohen kur i shohin ato. E ka këtë efekt te njerëzit gjithmonë”, kishte thënë ajo për The Times.