Palestinezët votojnë për herë të parë që nga fillimi i luftës

Palestinezët votuan në zgjedhjet lokale të shtunën, të cilat përfshijnë edhe Gazën për herë të parë në dy dekada. Autoriteti Palestinez me seli në Bregun Perëndimor shpreson që përfshirja simbolike e qytetit Deir al-Balah të Gazës do të ndihmojë në përforcimin e pretendimit të tij për autoritet mbi territorin e shkatërruar nga lufta, nga ku u rrëzua nga Hamasi në vitin 2007, raporton Reuters, transmeton Klankosova.tv Banorët e Gazës, të cilët ende po përpiqen të përmbushin nevojat e tyre themelore në enklavën e shkatërruar, e mirëpritën mundësinë për të votuar. “Kam dëgjuar për zgjedhjet që kur kam lindur”, tha Adham Al-Bardini. “Ne mezi presim të marrim pjesë... në mënyrë që të ndryshojmë realitetin që na është imponuar”, tha një tjetër. Sipas Komisionit Qendror Zgjedhor me seli në Ramallah, gati 1.5 milion njerëz janë të regjistruar për të votuar në Bregun Perëndimor të pushtuar dhe 70,000 në zonën Deir el-Balah (Rripi qendror i Gazës), dy rajonet në fjalë./Klankosova.tv