Lajmet e fundit
Ushtria izraelite u ka bërë thirrje palestinezëve në pjesë të kampit të refugjatëve Bureij që të evakuohen "menjëherë për sigurinë e tyre" dhe të shkojnë në një zonë humanitare në al-Mawasi, ka raportuar Reuters.
Bureij është një nga më të voglat nga tetë kampet historike të refugjatëve të Gazës. Ajo mbulon një sipërfaqe prej 0,5 km katror dhe kishte 46 mijë banorë të regjistruar në agjencinë e OKB-së për refugjatët palestinezë (UNRWA) para luftës.
Muajin e kaluar, IDF-ja tha se kishte marrë "kontrollin operacional" mbi zonat lindore të kampit dhe qytetin Deir al-Balah, i cili është rreth 5 km në jug-perëndim.
Të shtunën, ushtria izraelite goditi një shkollë pranë qytetit, duke vrarë të paktën 30 palestinezë, sipas Ministrisë së Shëndetësisë të drejtuar nga Hamasi.
Forcat e Mbrojtjes të Izraelit (IDF) thanë në Telegram se një qendër komandimi dhe kontrolli i Hamasit ishte vendosur brenda shkollës Khadija, shkruan BBC, përcjell Klankosova.tv.
