Pakot e qeverisë: “Superpuna” barazon “Qeveria për familjet” për numrin e të punësuarve

Ka afërsisht një muaj prej kur qeveria ka lansuar një pako punësimi për të rinjtë midis moshës 18-25 vjeç të quajtur “Superpuna”. Prej 6 shkurtit, përmes kësaj pakete janë punësuar mbi 1,000 persona nga mbi 3,000 punëkërkues, derisa aktualisht 1,500 pozita janë të lira me mbi 2,000 punëdhënës që i ofrojnë ato. Më pak e suksesshme del të jetë pakoja tjetër “Qeveria për familjet”, e lansuar më 18 korrik 2022. Përmes saj në periudhën 7-mujore është arritur që të punësohen 1,216 veta, derisa numri i punëkërkuesve ka qenë 3,763, kanë konfirmuar nga Agjencia e Punësimit për emisionin Portofol  në Klan Kosova FM. Deri më tani janë 3,763 persona që kanë aplikuar që të punësohen përmes kësaj pakoje që vlen për familjet që nuk kanë asnjë anëtar të punësuar. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS.