Lajmet e fundit
Medikamenti diazepam është bërë një pikë kryesore e hetimit për shumë arsye pse Paddock doli të jetë vrasës dhe vetëvrasës.
E në vazhdën e të shtënave shkatërruese në Las Vegas, është zbuluar se vrasësi Stephen Paddock kishte përdorur diazepam, formën gjenerike të Valium.
Ndërkaq pas këtij njoftimi është shkaktuar një debat që komenton medikamentet e fuqishme kundër ankthit dhe efektet e saj anësore. Për shumicën e përdoruesve që marrin medikamente nën mbikëqyrjen e mjekut, efektet anësore janë të ngjashme me alkoolin: përgjumje, marramendje, probleme të kujtesës dhe madje edhe mosfunksionim seksual, transmeton Klan Kosova.
Megjithatë, në disa raste të rralla, ky ilaç mund të shkaktojë mendime vetëvrasëse, agresivitet, sulme paniku, mendime impulsive dhe mungesë e ndjeshmërisë.
Por, derisa në media dhe rrjete sociale raportohet se si medikamentet e Paddock ndikuan në sjelljen e tij, mjekët kanë lajmëruar se është pothuajse e pamundur që diazepam-i të nxis një person të kryej një vrasje massive, transmeton Klan Kosova.
Mjekët në të gjithë bordin - nga mjekët familjar në psikiatër - janë në pajtim të gjerë se krimet e Paddock nuk ishin produkt i një pilule.
Stephen Paddock, dorasi që qëlloi për vdekje 59 persona, thuhet se kishte të përshkruara 50 pilula, 10mg të diazepam në qershor.
Për ta vënë atë në kontekst: çdo gjë afër 40mg Valium në një ditë do të ishte një dozë shumë e fortë dhe nuk rekomandohet nëse nuk këshillohet nga një mjek.
Ky medikament është në dispozicion në pikat e forta të 2mg, 5mg dhe 10mg. Pacientët këshillohen të marrin 4 mg në një ditë dhe të konsultohen me mjekun e tyre nëse duan ose kanë nevojë për më shumë.
Mjekët konsiderojnë se ka faktorë biologjikë, si mjekimi i tij dhe historia e familjes; faktorë psikologjikë, si ajo që ka përjetuar; faktorë socialë, çfarë ka të bëjë me jetën e tij të përditshme; dhe faktorë shpirtërorë, cili është ndjenja e tij e kuptimit dhe e qëllimit, të cilat mund ta kenë shtyrë atë për të kryer vrasje massive, transmeton Klan Kosova.
