Kryetari i partisë Aleanca Kosova e Re, Behgjet Pacolli, ka thënë se ligji anti-Covid duhet të vijë urgjentisht në sallën e Kuvendit ashtu si e kërkon Kryeparlamentarja, Vjosa Osmani.
Sipas tij, pandemia është rasti më i mirë me qenë bashkë politikisht, njofton Klan Kosova.
“Ligji anti-COVID duhet të vijë urgjentisht në sallën e Kuvendit ashtu si e kërkon Kryeparlamentarja, Vjosa Osmani. Le t’i lejmë mënjanë sherret, llogaritë kur COVID-19 është ulur këmbëkryq dhe mes deputetëve”.
“Ta përkryejmë nëse është nevoja, por të jemi të përgjegjshëm. Pandemia është rasti më i mirë me qenë bashkë politikisht! Nuk fitohen poena politike duke fajësuar shoqishoqin! Ka probleme kushtetuese, financiare, koordinimi që duhen adresuar”.
klankosova.tv
●●●
HSHKRIMI NGA
H.S
Editorial nga Klan Kosova — ndjek lajme dhe zhvillimet e tjera kryesore të vendit.
