Oslo do të bëhet kryeqyteti i parë në botë me transport publik elektrik

Oslo është në rrugën e duhur për t'u bërë kryeqyteti i parë në botë me një sistem transporti publik tërësisht elektrik. Kryeqyteti i Norvegjisë shpreson ta arrijë këtë qëllim deri në fund të vitit 2023 si pjesë e synimit për t'u bërë qyteti i parë në botë tërësisht pa emetime deri në vitin 2030. Shtytja e transportit përfshin zëvendësimin e 450 autobusëve të qytetit me naftë në ata elektrikë. "Mirëmbajtja është më e lirë, është gjithashtu më e lirë për operatorët e autobusëve elektrikë," thotë Sirin Stav, nënkryetare e bashkisë së Oslos përgjegjëse për mjedisin dhe transportin. "Në përgjithësi, kjo është një situatë e favorshme." Në tenderin e fundit të qytetit, autobusët elektronikë ishin 5 për qind më të lirë se ekuivalentët me naftë. Qëllimi i projektit është të zvogëlojë emetimet, të reduktojë zhurmën dhe të përmirësojë cilësinë e ajrit në qytet. Programi i autobusëve elektronikë të qytetit vjen në mes të një shtytjeje globale nga qytetet e mëdha në mbarë botën në përpjekje për të ulur ndotjen e ajrit.