Organizata “Shqiptarët për Amerikën” uron Trumpin për fitoren e zgjedhjeve

Organizata “Shqiptarët për Amerikën” ka uruar Donald Trumpin për fitoren e zgjedhjeve në ShBA. Në letrën e urimit të kësaj organizate thuhet se vlerësohet qasja ‘paqe përmes forcës’ dhe shpresojnë që të vihet në veprim, përcjell Klankosova.tv. “Shqiptarët për Amerikën” bashkohet me miliona shqiptarë nga e gjithë bota për të uruar Shtetet e Bashkuara në zgjedhjet e fundit dhe veçanërisht presidentin Donald Trump për fitoren e tij madhështore në zgjedhje”. “Ne vlerësojmë përkushtimin e presidentit Trump për qasjen ‘paqe përmes forcës’ në çështjet globale, një parim që mund të sjellë paqe. Ne shpresojmë se mund ta vëmë në veprim atë së bashku”, thuhet tutje në letrën e urimit.