Orban: Liderët evropianë të ndryshojnë strategjinë në lidhje me Ukrainën

Kryeministri hungarez, Viktor Orban ka thënë se liderët evropianë duhet të pranojnë nevojën për të ndryshuar strategjinë e tyre në lidhje me Ukrainën.

Në komentet për transmetuesin shtetëror të Hungarisë sot, Orban argumentoi se strategjia aktuale nuk po funksiononte dhe Rusia po përparonte në vijën e parë të frontit. Ai shtoi se fitorja e presidentit të zgjedhur të SHBA-së, Donald Trump "ka ndryshuar gjendjen e luftës", shkruan The Guardian, transmeton Klankosova.tv.

Orban nuk specifikoi se çfarë veprimesh ai besonte se Evropa duhet të ndërmarrë në lidhje me Ukrainën, por përsëriti thirrjen e tij për një armëpushim të Krishtlindjeve në luftën në Ukrainë. Ai sugjeroi shkëmbimin e deri në 1000 robërve të luftës midis Moskës dhe Kievit.

Udhëheqësi nacionalist hungarez është një mbështetës i zëshëm i Trumpit dhe prej kohësh ka kërkuar të minojë mbështetjen e BE-së për Ukrainën. Ai ka bllokuar, vonuar ose zbutur në mënyrë rutinore përpjekjet e bllokut për të siguruar armë dhe fonde dhe për të sanksionuar Moskën për pushtimin e saj.