Lajmet e fundit
Më shumë se 400 mijë fëmijë në Liban janë zhvendosur në tre javët e fundit, tha një zyrtar i lartë i agjencisë së fëmijëve të OKB-së, duke paralajmëruar për një "brez të humbur" në vendin e vogël që po përballet me kriza të shumta dhe tani në mes të luftës.
Izraeli ka përshkallëzuar fushatën e tij kundër grupit militant Hezbollah me bazë në Liban, duke përfshirë nisjen e një pushtimi tokësor, pas një viti shkëmbimesh zjarri gjatë luftës së tij me Hamasin në Gaza.
Luftimet në Liban kanë përzënë 1.2 milionë njerëz nga shtëpitë e tyre, shumica e tyre duke ikur në Bejrut dhe gjetkë në veri gjatë tre javëve të fundit që nga përshkallëzimi, raporton Associated Press, transmeton Klankosova.tv.
Ted Chaiban, zëvendësdrejtor ekzekutiv i UNICEF-it për veprime humanitare, ka vizituar shkollat që janë kthyer në strehimore për të pritur familjet e zhvendosura.
“Ajo që më goditi është se kjo luftë është tre javëshe dhe kaq shumë fëmijë janë prekur”, tha Chaiban për Associated Press në Bejrut.
