Drejtoria për Siguri dhe Emergjenca e Kryeqytetit, në bashkëpunim me Kryqi i Kuq i Kosovës, ka shpërndarë ndihma gjatë ditës së sotme për familjet e evakuuara dhe për qytetarët që kanë pësuar dëme materiale si pasojë e vërshimeve të fundit që goditën Prishtinën.
Bëhet e ditur se ekipet në terren kanë ofruar pako ushqimore dhe higjienike si dhe ujë të pijshëm, transmeton Klankosova.tv.
“Pamjet nga terreni dëshmojnë angazhimin konkret dhe solidaritetin njerëzor në këto momente sfiduese për qytetarët tanë. Falënderojmë vullnetarët e Kryqit të Kuq dhe të gjithë partnerët institucionalë që po kontribuojnë me profesionalizëm dhe përkushtim”, thuhet në njoftim.
“Drejtoria për Siguri dhe Emergjenca mbetet e mobilizuar për të garantuar reagim të shpejtë, koordinim efikas dhe mbështetje të vazhdueshme deri në stabilizimin e plotë të situatës. Së bashku për qytetarët tanë”.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
