Një oficer i lartë në forcat e Hamasit ka thënë se grupi i armatosur palestinez ka humbur rreth 80 për qind të kontrollit mbi Rripin e Gazës dhe se klanet e armatosura e kanë marrë kontrollin në zonë.
Sipas këtij oficeri, i cili foli për BBC-në, sistemi komandues dhe kontrollues i Hamasit është shembur për shkak të sulmeve ajrore izraelite që kanë shkatërruar udhëheqjen politike, ushtarake dhe të sigurisë së grupit.
“Të jemi realistë, pothuajse nuk ka mbetur asgjë nga struktura e sigurisë. Shumica e udhëheqësisë, rreth 95%, tashmë janë të vdekur... Figurave aktive u ka ardhur fundi. Atëherë, në të vërtetë, çfarë po e ndalon Izraelin ta vazhdojë këtë luftë?”.
“Logjikisht, ajo duhet të vazhdojë deri në fund. Të gjitha kushtet janë në favor të saj: Izraeli ka epërsinë, bota është e heshtur, regjimet arabe janë të heshtura, bandat kriminale janë kudo, shoqëria po shembet”, tha oficeri i Hamasit për të cilin BBC tha se kërkonte të mbetej anonim, transmeton Klankosova.tv.
Tutje, ai është shprehur se nuk ka më kontrolle askund, situata e sigurisë është rrënuar krejtësisht dhe se aparati më i fuqishëm i sigurisë së Hamasit, kompleksi Ansar, është plaçkitur.
“Ata morën gjithçka – zyrat, dyshekët, madje edhe panelet e zinkut – dhe askush nuk ndërhyri. Asnjë polici, asnjë forcë sigurie”, tha ai.
●●●
BSHKRIMI NGA
BM
Editorial nga Klan Kosova — ndjek lajme dhe zhvillimet e tjera kryesore të vendit.
