Oficerët e doganës arrestojnë një koleg të tyre për keqpërdorim të detyrës

Oficerët e hetimeve të Doganës së Kosovës kanë arrestuar një zyrtar doganor në Han të Elezit për keqpërdorim të detyrës zyrtare. Hetuesit e Doganës, në bashkëpunim me Prokurorinë, pas një hetimi disamujor, sot në orët e hershme të mëngjesit, kanë zënë ne flagrancë zyrtarin doganor dhe katër të dyshuar, të cilët janë dërguar në mbajtje, njofton Klan Kosova. Dyshohet se zyrtari i arrestuar në vazhdimësi ka keqpërdorur detyrën zyrtare, duke futur në Kosovë mallra pa pagesën e taksave doganore. Ky rast është vazhdimësi e politikës së doganës “Zero Tolerancë për keqpërdorim të detyrës dhe korrupsion.” Dogana e Kosovës, në bashkëpunim me autoritetet kompetente, do të vazhdojë të ushtrojë kontrolle në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës. Dogana e Kosovës fton qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095.

klankosova.tv