Nxënësi nga Peja vdiq në aksidentin e djeshëm në rrugën Prishtinë - Pejë

Një ngjarje e rëndë ka ndodhur dje për qytetin e Pejës. Auron Mazrekaj, nxënës i shkollës fillore "Asdreni", vdiq në një aksident trafiku në magjistralen Prishtinë - Pejë, në lokacionin e njohur si "Ura e Llozicës". Stafi i shkollës e kanë përkujtuar si një ndër nxënësit më të mirë të gjeneratës, ku Aroni shërbente si kryetar i këshillit. Në njoftimin e publikuar në faqen e Facebookut, thuhet se ai ishte nxënës shembullor e madje bursist. "Në këto momente të dhimbshme dhe të vështira, i shprehim ngushëllimet tona më të sinqerta familjes së tij, stafit të shkollës, shokëve e shoqeve dhe të gjithë atyre që e njohen dhe deshën. Ndajmë me ta dhimbjen dhe kujtimin për një djalë të jashtëzakonshem, i cili do të jetojë gjithmonë në zemrat tona", thuhet në njoftimin përkujtimor transmeton Klankosova.tv. https://klankosova.tv/nje-i-vdekur-dhe-nje-i-lenduar-nga-aksidenti-ne-rrugen-prishtine-peje/