Nushi: Kemi qenë të kujdesshëm, Fondi Sovran s'çon në ekonomi të komanduar (VIDEO)

Gent Nushi, ekspert ligjor për hartimin e Projektligjit për Fondin Sovran ka thënë se ai dhe ekipi punues kanë qenë shumë të kujdesshëm kur e kanë bërë draftimin e tij. “Respektohet ekonomia e lirë e tregut”, është shprehur ai në emisionin Portofol në Klan Kosova FM. “Nuk krijon ekonomi të komanduar, por është një ndër reformat më të mëdha ekonomike në vend që nga çlirimi dhe do t’i paraprijë zhvillimit shumë të madh ekonomik”, deklaroi më tej ai. Nushi ka treguar se do të marrë dy vjet kohë derisa të shihen frytet e para të fondit. “Gjatë fazës tranzitore do të bëhet riorganizim i ndërmarrjeve që do të futen në fond si ndërmarrje me potencial të madh. Fondi ka të drejtë gjithashtu të themelojë ndërmarrje të reja”, theksoi Nushi. Ai ka vazhduar duke thënë se me anë të këtij fondi do të krijohen vende të reja puna si dhe do të ketë ndikim në rritjen e investimeve, edhe të huaja. /Klankosova.tv https://youtu.be/UNd-n9wV3Zo Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS