Numri i të vdekurve rritet në 16, pasi tramvaji del nga binarët në Lisbonë

Numri i të vdekurve është rritur në 16, pasi një tramvaj doli nga binarët në Lisbonë, mbrëmjen e së mërkurës. Një nga personat që u plagos dhe u dërgua në Spitalin São José ka vdekur gjatë natës, raporton agjencia kombëtare e lajmeve e Portugalisë, Lusa. Kjo e çon numrin e të vdekurve nga incidenti në 16, transmeton Klankosova.tv. Një zyrtar i policisë u ka thënë gjithashtu mediave lokale se numri i të plagosurve është rritur në më shumë se 20.