Numri i të vdekurve në aksidentin hekurudhor në Indonezi rritet në 14

Numri i të vdekurve nga një përplasje trenash pranë kryeqytetit indonezian, Xhakarta, është rritur në 14, me 84 të tjerë të plagosur, tha operatori i trenit të martën, ndërsa ekipet e shpëtimit përfunduan punën për të nxjerrë të mbijetuarit ende të bllokuar në rrënoja. Përplasja midis trenave ndodhi vonë të hënën në Bekasi, pak jashtë Xhakartës. Bobby Rasyidin, drejtor ekzekutiv i firmës shtetërore hekurudhore të Indonezisë PT KAI, tha se numri i të vdekurve ishte rritur në 14, raporton Reuters, transmeton Klankosova.tv. Mohammad Syafii, kreu i agjencisë së kërkim-shpëtimit të Indonezisë, tha të martën se evakuimi ishte përfunduar, duke shtuar se kishte qenë një proces delikat për të shpëtuar pasagjerët e bllokuar nga vagonët e dëmtuar. "Ne duhej të përfshihej personel me aftësi të caktuara për të kryer një nxjerrje të matur", tha ai.