Bisedimet midis kancelarit gjerman Friedrich Merz dhe presidentit francez Emmanuel Macron mbi krijimin e një sistemi të përbashkët parandalues bërthamor evropian janë në një fazë të hershme dhe nuk synojnë të zvogëlojnë rolin e Shteteve të Bashkuara, tha sot një zëdhënës i qeverisë gjermane.
"Qëllimi i bisedimeve është të shqyrtohet se si mund të arrihet një bashkëpunim më i ngushtë në fushën e parandalimit bërthamor. Bisedimet janë ende në një fazë shumë të hershme", tha zëdhënësi gjatë një konference për shtyp, transmeton Klankosova.tv
"Kjo nuk ka të bëjë me zëvendësimin e mburojës mbrojtëse amerikane, por me plotësimin dhe forcimin e saj. Shtetet e Bashkuara kanë një rol qendror në parandalimin bërthamor të NATO-s. Kështu është tani dhe ne duam që të mbetet kështu edhe në të ardhmen", shtoi ai.
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
