"Nuk e dinim që sëmundja do të vinte kaq shpejt", ja si dukeshin çifti Blero dhe Blerta në ditën e dasmës

Blero dhe Blerta Syla, çifti i njohur i TikTok-ut, ka tërhequr vëmendjen e publikut me historinë e tyre, ku përveç dashurisë që ndajnë, janë shembull për përkushtimin dhe mbështetjen që Blero i ofron gruas së tij, Blertës. Blerta, që vuan nga paqëndrueshmëria kraniocervikale, ka marrë mbështetje të madhe nga partneri i saj në këtë rrugëtim të vështirë, shkruan Klankosova.tv Para videove të fundit që morën vëmendje të madhe për gjendjen shëndetësore të Blertës, çifti kishte publikuar disa fotografi nga dasma e tyre në vitin 2016. Në postimin e tyre shkruhej: “Kur u martuam, e dinim frazën 'në të mirë e në të keq', por nuk e dinim se sëmundja do të vinte kaq shpejt”. Videoja, që u shpërnda masivisht, ka marrë shumë komente nga fansat, të cilët si gjithnë kishin shprehur mbështetje të madhe për Blertën. Shumë prej tyre kanë theksuar se ajo është ende shumë e bukur dhe se do ta kalojë me sukses këtë periudhë të vështirë. E, një koment tjetër shkruante: "Çift i mrekullueshëm, Zoti iu bekoftë”. Pamjet: /Klankosova.tv